Mir händ en knallrote Hasestall

Mir händ en knallrote Hasestall
Doch i dem Hasestall da wohnt kän Haas
Mir händ en knallrote Hasestall
Doch i dem Hasestall gämmer richtig Gas
 
De Johnny de möcht sine Chind öppis schänke
Die wünsched sich ganz fescht en Haas
Im Internet bstellt er en grosse Container
Und lueget nöd richtig uf’s Mass
 
De Nachber de weiss es vill besser
De Stall isch ein Meter z’gross
Er isch e Fählkonstruktion…
E Provokation…
 
Mir händ en knallrote Hasestall
Doch i dem Hasestall da wohnt kän Haas
Mir händ en knallrote Hasestall
Doch i dem Hasestall gämmer richtig Gas
 
So bstellt er halt namal
Es chliners Modäll und hoffet es segi jetzt rächt
Doch gschmackvoll isch andersch
Das Ding isch ja rot
Em Nachber wird’s instantan schlächt
 
Mir händ en knallrote Hasestall
Doch i dem Hasestall da wohnt kän Haas
Mir händ en knallrote Hasestall
Doch i dem Hasestall gämmer richtig Gas
 
De Stall isch verbote das isch allne klar
Nur als Gartehuus isch er erlaubt
Am Morge, am Abig,  es isch würkli wahr
Gits Cüpli im Hasestall, und überhaupt..
 
Mir händ en knallrote Hasestall
Doch i dem Hasestall da wohnt kän Haas
Mir händ en knallrote Hasestall
Doch i dem Hasestall gämmer richtig Gas
 

© Marion Maurer, 2020
Alle Rechte vorbehalten.

→ Zurück zur Übersicht